【YY好想開舖頭？】

是晚，兩母女有以下一段對話...

Y：媽，如果我地開鋪頭就好嚕。

媽：下？香港租金好貴架，如果阿媽真系開左鋪頭，要日日開鋪做生意賺返d租金，到時就唔會咁多時間陪你玩架喇。

Y：咁不如在屋企開鋪頭啦！

媽：咁你想賣咩呢？

Y：珍珠囉(台式果d)！我上網睇左點整，我們可以自己整來賣，企響天仁茗茶門口，問d人買唔買。

媽：下？企響人地門口爭生意？會比人鬧架！

Y：咁我拎返學校賣啦，叫d同學仔幫襯。我寫定d傳單，二年級開學時拎返學校派。

媽：諗住賣幾錢？

Y：$100一樽

媽：咁貴？咁d人可能寧願去返天仁茗茶度買。

Y：咁$20啦，我整埋串燒和魚旦果d一齊賣！

媽：哦！加油💪🏻💪🏻💪🏻

每個孩子也有個「開舖頭夢」，兒時的我很喜歡吃糖果，好「恨」做老闆，想將來能開一間屬於自己的糖果店。

YY很喜歡喝珍珠果茶，便想到自己做黑糖珍珠去賣，我無意告訴她現實有多殘酷，香港租金有幾咁癲喪，在香港要營運一間店舖，資金很龐大！時間很困身！

但不同思維的對答讓我更了解女女的內心世界，她轉數不低，平時亦強於觀察四週事物，她留意到賣珍珠飲品的小店經常大排長龍，需求大，所以要去搶生意。做一門新生意，要宣傳，要派傳單，而且先介紹比佢果班好朋友，由warm market做起。

原來我個女都幾有商業頭腦！