【一天多一點】
520，一早醒來， 見到愚生 tag 我示愛， 係 sweet 既， 尤其是他這種內斂的人， 竟然向我高呼愛， Surprised! 然後，我 text 他： 「係咪又想買無謂野呢？」 我認識他那年，是 2007 ， 那時他是會用 $1650 買件白色皮褸， 喂呀，香港地，有幾可著到皮褸呀， 最終只是著左幾次 😅 以前他沒有「應買才買」的概念， 出糧人工大部分比晒阿媽之後， 有幾多，洗幾多，不會儲錢， 幸好他初出茅廬時 恒生打比佢 sell 儲蓄 plan ， 然後他便乖乖地做了兩份。 他識左我之後， 被我的「慳妹」性格感召， 拿，事先聲明， 我沒有刻意改變他的， 男人，我哪有能力改變， 只是可能他見到我咁鬼慳， 然後唔好意思再咁大洗。 婚後，所有收入都是給我管理的， （無錯，我們的家行共產主義） 由我來安排家中洗費和投資增值。 我們都不是特別富有， 只是心中富有， 不買不需要的東西。 但，偶爾愚生也會買玩具和 figure 😡 我眼中的「無謂野」！ 兩口子原來已經走過 5200 天， 我的生命幸好有他， 陪我走過順境和逆境， 否則， 我沒有勇氣和動力撐著難捱的日子。 他，是我唯一的老伴， 將來的畫面也只有他。 寫這篇時， 我的 KK box 聽緊 姜濤的《一天多一點》， 以此為題， 每天愛他多一點。