【我的私人攝影師】一堆樣衰的相
這類一朝早腫口腫面、
無化妝又無梳頭、
擘大個口得個窿、
然而又不知何時何地捕捉的相片,
我 - 有 - 很 - 多!
愚生 - 我的私人攝影師,
他不時會捕捉我隨意的一面,
然後又會send返比我睇,
但影100張裡99張都是樣樣衰衰的,
有時我望返那堆相片,
真的好想打暈佢....
情侶之間的花名,
我們當然也有啦,
拍拖很早期的時候,
他已經叫我做「蛙仔」,
因為他說我樣子似青蛙,
請不要幻想很可愛的keroppi,
他說的蛙,
大概是街市裡賣的田雞那樣子!
有時他幫我影完一幅相後,
會大叫:「真係好蛙呀!」
(即是很似青蛙)
最近整理手機相片時,
把這埋堆樣衰相存入電腦,
不如就開個album吧,
叫咩好呢?
「老公眼中的自己」?
多骨痺!
還是索性delete去?
時下興P圖,執相過後,
人人變美麗,
還有人會keep自己影得樣衰的相嗎?
再望望這堆樣衰相,
雖然並不好看,
不過那其實就是真實的我,
真實就是不修邊幅嘛,
一個真正愛你的人,
他就是不介意看見你真實的一面,
還替你拍下來。
自然,可能並不美麗,
但我們不用時時刻刻展現美麗,
生命中能遇上一個能讓你
舒舒服服做回自己的另一半,
是多幸運的事啊!
============
話雖如此,
但如果我的私人攝影師
能去進修一下攝影技術課程,
那我應該會更開心呢!
============
你LEE D 都好正常 我男朋友影 一係就講緊野 一係就見到雙下巴 一係就大笑 次次影完 佢一定拎住狂笑
回覆刪除哈哈原來好多男人都中意咁樣整蠱另一伴
刪除我都覺得你哩D算正常啦,我見過更不堪的~
回覆刪除