【嶄新的一天】兩母女即慶剪個新髮型

5月9日星期一,
一星期工作日程的新開始,
我換好返工衫,化了個淡妝,
懷著好心情出席公司活動 -
宏利奪得《指標》頒發的
2015年度強積金供應商大獎,
在行內的價值等同於
奧斯卡的最佳電影,
宏利已連續兩年蟬聯此獎。
我亦有幸獲邀出席分享此喜悅,
必會繼續誠心為客戶提供
免費的強積金戶口綜合服務。
在投資環境比較動盪的時候,
我相信宏利強積金的基金經理們
必定繼續為客戶增取
最穩健的投資回報,
仲未選宏利為強積金供款商的你,
歡迎聯絡了解一下,免費架。
sukie_cy_chan@manulife.com.hk
活動後,再整頓好工作,
趁還有時間未接YY放學,
心血來潮去剪個頭髮。

才發覺自己原來經已四個月
沒有踏入髮型屋,
一來愚太真是一個不太貪靚的人;
二來我一心留長把頭髮,
再一次性剪下來捐贈給癌症基金會,
(規定捐贈的頭髮至少要8吋長)
可是,朋友傳來的消息,
癌症基金會暫停收髮計劃,
所以,都不用計劃留長了,
狠狠地剪走5吋!
我不怕轉髮型,即使不好看,
頭髮會再生過,所以無需介懷,
我甚至想把頭髮剪短至貼著耳仔,
但因為迷信,才保留中長度。
關迷信咩事?事緣...
2009年的5月,即婚後的兩個月,
我狠狠地剷短了頭髮,
不久,心臟病被發現了,
我執著地迷信短髮會帶比我惡運,
所以,那次之後,我不敢再剷頭髮。
2016年5月,
我再次剪短頭髮了,但今次無剷!
之後,YY放學時,
看見了媽媽的新髮型實在太喜歡了,
她想剪成跟我一模一樣,
立刻打比幫我剪髮的髮型師,
再帶她走一趟。

(YY剪髮前的樣子)
洗頭中
YY不停話洗頭好舒服。
開始剪喇...
看她多淡定的樣子,
其實這是她第一次到專業髮型屋理髮,
出世至今YY剪過超過廿次頭髮,
但每一次都是愚太操刀。
YY剪短了兩吋,然後卷曲髮。
完成了!
只得五歲的小人兒,
現在簡直像少女一樣!
兩母女一樣的髮型,自拍一張:
今天我剪髮,然後到YY剪髮,
全都不是在計劃之內,
我喜歡生活中即慶的事情,
帶給我無限驚喜和趣味,
令日常生活不太乏味,
常提醒自己,只要不影響別人,
又沒有破壞地球生態,
基本上,想做就即刻去做,
沒有等的理由!







留言

  1. YY嘅新髮型睇落真係大個女咗好多呀!

    愚生鍾唔鍾意母女裝呢?我身邊多數男性友人都鍾意佢哋嘅女友或老婆留長頭髮架!

    回覆刪除
    回覆
    1. 愚生沒讚也沒彈,我無理佢呀,自己想點就點 ^_^

      刪除
  2. 兩母女一齊扮靚,好開心啊!

    回覆刪除
    回覆
    1. 對呀,生女的小樂趣。YY的貪靚程度不比我低。

      刪除

發佈留言

此網誌的熱門文章

第七載情 (下) 歷久「嘗」新的愛

愚太的恆心耗盡了......剛開始接受職業治療,需24小穿著壓力衣,但已進入想 放 棄狀態

聯校運動會 2014 #基督教香港崇真會安強幼兒學校