【媽媽們的「浪漫」】#基督教香港崇真會安強幼兒學校

愚太有朋友的子女讀九龍塘區名校，

同我分享佢地個whatsapp媽媽群組，

媽媽們日常主要打英文訊息溝通，

平時話題通常圍繞小朋友學乜學物，

或閒時約埋出國旅行或飲紅酒.....

太有「品味」了！

但我還是喜歡屋邨學校的「純樸」，

YY的同學仔大多住在同區，

大家都是街坊街理，

住得近，約埋一起玩就超方便，

更會時不時互相作客家中晚飯，

又會幫忙湊放學，

好感情就是這樣慢慢鍊成的，

不只小朋友們能成為好朋友，

就連媽媽們也很投緣，

更相約一起活動.....

（估下我們約埋做咩呢？）

由於在職媽媽較少機會運動，

我們為了健康著想，冒求出身汗，

所以約埋一起 打-乒-乓-波，

這就是媽媽們的浪漫了！

（羽毛球場比較難book，

而乒乓球檯就相對易book得多）

一來大家都想找個運動的機會；

二來就是要做個好榜樣，

讓小朋友看見媽媽都會努力運動，

媽媽都是有恆心的人；

三來....出身汗瘦瘦身，

追求美好身段我們誓做靚媽！

由於運動館設有兒童遊戲室，

小朋友就留在遊戲室內放電，

愚生就負責幫手看牛仔，

那媽媽們便可專心打波、盡情流汗！

＿＿＿＿＿＿＿＿＿＿＿＿＿

小朋友們在Playroom開心玩樂：

而媽媽們就在努力戰鬥中，

一邊打波一邊吹水....

我們還會計分，增加刺激感。

小朋友們會不時望落去球室，

叫自己的媽媽加油呀！

「媽媽會努力啊！」

臨尾，小朋友們通常都會落離踩場，

亂打一通.....但亂打都很開心的。

當有一天佢地都識打既時候，

媽媽們仲邊有得自己玩得咁happy吖

_____________________________

我們媽媽會的這種乒乓波之夜，

通常都會約在星期五晚上，

都持續了好幾次了，

香港地個個都好忙，

難得我們有這顆聚埋運動的決心，

既可親子；又能強身健體，

及讓媽媽們有個減壓的機會，

希望將來不會被沉重的功課擊破啦，

保持運動，其實比很多事情都重要。

孩子有了健康；

而媽媽們都保持健康，

才能走更持久的路！