fool of love 介紹

我的相片

愚太,心臟病媽媽,六年間做了五次大手術,病歷已例入國際醫學文獻,是同類型病例當中全世界的第一個紀錄。兩次從死神手裡併命走回來,體會深厚,既然時間是賺回來的,決要快樂地過好每一天,做更有意義的事。 先後多次接受了傳媒訪問:NOW新聞、壹周刊、親子王(封面人物故事)、McDonald雜誌、經濟日報及晴報。及後,在2014年,愚太接受了醫管局及港台的邀請,將故事拍了單元劇出來,名為《醫護人生》之《生機》。
  「使命」這個詞語太浩大了,宗旨只是想將樂活態度和別人分享! 女兒YY出世後,愚太堅持不請工人,辭了任職Fashion的工作,轉職時間比較彈性的保險工作,能多留在家親自照顧女兒起居,寶寶是自己選擇生的,照顧她的任務不應假手於人,深信媽媽才是教導兒女和伴著他們成長的最佳角色。在擔任全職媽媽的日子以來,累職了一些心得,樂意和大眾分享。 除了是blogger外,愚太更是一名全職媽媽、一位理財策劃師(任職宏利)、一個CEO(創辦了Fool of Love),一個義務補習老師(陳校長免費補習天地)、一人身兼多職! 

2013年10月15日 星期二

愚太以過來人的經驗,分享確疹重病後的7個重要步驟

回想起四年前,當醫生告訴我:
「你必須立刻流產
然後進行心臟手術」
那一刻,我的世界是停頓了......

之後用了很多力氣,
才把自己拉回來,
勇敢面對手術和長期病患。

當一個人被確診大病後,
整個人會不自覺地變得鎮腳大亂,
慌忙失醋,
所以愚太很想以過來人的經歷,
給病人或病人的親友一點小資訊。



確診患重病的過程:

有些重病,可以是事前毫無先兆的,
愚太便是一個活生生的例子,
如果當年不是懷有亮仔而去婦科醫生
的私家診所作一個詳細身體檢查,
也不會發現有隱性心臟病。

一般來說,當家庭醫生或專科醫生
認為病人有患重病的徵兆時,
必會轉介去化驗所做一連串的檢查,
例如驗血、驗大小便、心電圖、
超聲波、胃鏡、腸鏡、
電腦素描,磁力共震.....

我可以百份百給以下一個提議:
如果經濟能力許可,
請所有檢查都在私營機構進行,
這絕對能省卻等候時間,
把你的痛苦減少。

知道嘛?
患病時等待是天下間最難捱的部份,
所以如果能早些知道結果,
倘若真的不幸確診,也能及早就醫。




確診患重病後要做的:

(1) 轉介信旁身,周圍問醫生

如果重病是牽洩手術或電療化療,
又未能應付私家醫院的治療費用,
便可拿著轉介信到政府醫院排期,
或繼續去看其他醫生。

(2) 收集好報告,日期要分數

將所有化驗所的報告齊集好,
預備去見不同的醫生。

每做每一個化驗都mark好日子,
記著先後次序。
每一個醫生問的問題都是大同小異,
但會重覆地問,
所以思路一定要清晰。

(3) 尋求Second Opinion

每個醫生的經驗都不同,
診斷和意見也未必一樣,
當確疹重病時,
必須多聽一至兩位
同科醫生的專業意見,
集合起來才做適合自己的決定。

(4) 調節心態,面對世界

記著,先醫心,後醫身,
縱使患病是多傷心、多煩燥,
必需要先調節好自己的心態,
與其在浪費時間怨天尤人,
或尋根究底,
倒不如早點接受患病的事情,
勇敢去面對它!刻服它!

(5) 三姑六婆不要理,醫生說話要緊記

當確疹重病時,
身邊會突然多了很多聲音,
「阿邊個都試過,佢咁咁咁咁架....」
也不要上網在討論區看
別人的類似病歷分享,
那些都不知道有幾多成是真的。

每個人的情況也可以是很獨突,
我們只需要聽醫生的專業意見便可。
其他人說的,不用太上心,
當一個reference便可。


更加不要篤信命理風水,

運不好時,很容易會對號入座,
更令自己進入迷失狀態。

(6) 強壯自己身體,迎接醫病悍仗

任何手術或電療化療也足以令到
一個人在短時間內突然暴瘦,
身體會頓變得很虛弱,
所以在上戰場前,
必先要具備一副強壯的體魄,
睡眠要足,飲食要得宜,
保持自己最佳的狀態!

(7) 與保險經紀多聯繫,
拿錢醫病最實際

很多朋友買了保險後,
過了段時間便忘記買了什麼保障,
到出事時,記緊要聯絡自己的經紀,
看看保障有否cover到,
然後進行索償。



最後送一個小小貼士給

患病者身邊的親人或朋友,
明白你是關心患病者,
但緊記不用經常問及
對方醫病的進度,
因為他/她本身可能已經很疲累,
或已經交待了很多次,
除非他是自願說出來的。


還有盡量說一些輕鬆的話題,

轉移對方醫病的壓力,
為他的生活帶來其他小小的趣味,
三年前愚生在我手術期間
寫了以下這篇,
現在和大家分享一下:

(哈哈,愚生的文筆是差愚太少少的)

2010年2月10日上午2:20
給要照顧"病人"的朋友
o係哩兩個月陪伴我老婆身邊o既其間,除左增加左我醫學常識 ( 因為經常出入醫院診所同見唔同o既醫生 ) 之外 , 我觀察到好多野 . 我想將我體會同感受到o既寫低,希望比將來身邊有親人(touch wood)不幸地須要長時間接受治療或要面對大型手術o既朋友一個参考,或者作個心理準備。
先講個人裝備 , 由於您要長時間照顧帶住負能量o既病人,首先將自己裝滿正能量,一直保持笑容,好精神咁o既樣(最低限度同佢相處o既時候你要咁樣 ),盡量少提及病情 , 多講 "毛獠野" 分散佢注意。就算有必須要談及病情,傾完就要立即將佢抽離返,千萬唔可以比佢沉淪係恐懼中。就算周車勞頓,幾頻撲都好,您唔可以病同表現得好攰,因為咁樣會比佢覺得自己係您包袱。
"意志催谷體能" 哩招好 work,有幾次作病,我都會同自己講 "唔準病,未病得,唔準病,未病得" 用意志催眠自己 . 如事者 , 第二日訓醒就冇事。您要時刻保持冷靜,為病人作最適當o既決定。哩個時候您會聽到好多純個人經驗同好主觀o既個人意見。雖然佢地未必係最專業 , 而且仲會包含 "各門各派o既學說" , 但係目的都係想病人早日康復。首先您必須感激 , 專重及細心聆聽所有人o既意見 , 之後再消化 , 分析。不要被好多及各花各樣o既意見打亂方針。哩一點係最難做到o既 , 所以簡單 D , 盡量只聽最專業 , 最有學識o既人講。
除左醫護人員 , 您同病人會面對好多 "朋友" , 我想分享下您有機會遇到以下幾類 "朋友" .
有好多朋友會同病人好錯誤地講 d 好正確o既野 , 例如 "唔好帶負能量 , 要帶正能量呀" . 我覺得其實病本身就係負能量 , 如果帶正能量就唔會病啦。病人係帶負能量係事實 , 病人係唔會自己突然生產正能量 ! 正能量係要由病人身邊o既人傳送之後引發 , 再繼而慢慢生產 . 絕對唔會因為一句 "唔好負面 , 要正面" 就會一秒間變成勁正能量 ......
有好多朋友會好主觀咁以健全身體者o既心理質素去批評病人o既心理狀態 , 例如 "點解會咁諗架 !" 。我明白將心比己唔係人人做到 , 所以我唔會反駁佢地 , 因為佢地又係錯誤地講 d 好正確o既野 . "點解會咁諗架 !" , 如果您受住相同o既痛苦您就會好清楚點解佢會咁諗架喇 .
會有好多 "朋友" 託您做一件事 , 對於哩件事 , 我仍未諗到辦法去做 , 所以好對唔住 , 分享唔到比您 . 哩件事就係 "幫我好好照顧佢" . 我真係唔識關心點樣去幫 . 我曾經諗過不如咁講 : "嗱 , 而家關心緊您o既其實唔係我 , 我係幫緊呀邊個邊個關心緊您" . 咁究竟我邊一下幫緊邊一個 ? 攪到自己都亂晒 . 但原來我唔係代表 "我" , 我係幫緊其他人 , 咁係咪等於 "我" 唔關心佢呢 ? 係咪一句說話拜託左別人做都係關心左呢 ? 我係咪笨人出手幫緊 d 精人呢 ? 太深奧喇 ...... 所以我會簡單 d , 繼續做好 "我" 自己 , 唔 "幫" 喇 , 因為真係唔識 . 對於哩班 "朋友" , 回應一句 "多謝晒" .
我非常清楚別人o既諒解同關心唔係必然o既 , 因為家家有本難唸的經 , 而且各有各忙 .
有 d "朋友" 一開始表現得好關心 , 但係路遙知馬力 , 之後會慢慢唔見左人 ; 有 d 會好似記得先關心下您 ; 有 d 關係好似好親 , 但係冇咩見過佢關心 . 當然亦有 d 患難見真情 , 之前一直冇咩聯絡 , 知您有事立即出現返 ; 有 d 就算自己本身有病都會為您擔心 ; 有 d 更出錢出力出時間為您 .
無論係以上邊種 "朋友" 都好 , 都係最少有一刻想個病人好 , 您都應該感謝佢地 , 唔可以奢望佢地再多 d . 因為最緊要o既係 "您" !  "您" 係 "您" 所控制到o既 , 而 "朋友" 並唔係 "您" 所控制到o既 , 做好自己 , 珍惜自己同病人相處o既每一分每一秒 ......
仲有雖然冇咩 "朋友" 會注意到您o既痛苦同壓力 , 但係記住 ! "佢" 好就得架喇 :)



13 則留言:

  1. 好多謝愚生愚太嘅分享~~
    愚生話:"意志催谷體能" 哩招好 work<--超級認同!個時屋企人病,我成日都同自己講唔可以病、幾攰都要頂住,個兩年真係幾乎無病過~~

    回覆刪除
    回覆
    1. 我老公的能量強我好多,希望呢D分享能幫到有需要的人。

      刪除
  2. 絕對認同意志係好重要! 我係照顧媽媽個幾年,都係靠佢去面對,走下去....!

    回覆刪除
    回覆
    1. 要加油!贏了意志,那什麼都可以刻服!

      刪除
  3. 好多謝愚太嘅分享,亦都好認同妳指嘅陣腳大亂,我自己未試過,不過都可以想像到要有幾大勇氣先能企返起身去面對,妳講嘅先醫心,後醫身,真係太正啦!

    回覆刪除
    回覆
    1. 如果身邊人有需要,請FWD這篇給他,希望幫到別人

      刪除
  4. 看你這篇文章真的很有感受, 不會每個人都那麼"幸運"得病,長期病真的可以完全改變病人和其家人好友的命運。 好像是重生的經歷。 因為長期病, 我們不得不改變生活和工作的習慣。多謝你和我們分享你的經歷, 非常實用。 當我們面對黑暗時, 有時真的會不知所措, 但有一句話一直提醒我, 當上帝將一扇門關上, 祂悄悄的打開了一扇窗。

    回覆刪除
    回覆
    1. 關上門但開扇窗,這個比喻好好呀!yes! Keep 住樂觀。

      刪除
  5. 希望讓我們保持樂觀; 信心帶我們走出困境; 愛將不幸昇華成幸福。

    回覆刪除
  6. 謝分享,自己都吃藥十一年多,家人都常勸告若我覺好些.便不好吃藥,但我仍每天要服兩粒抗鬱藥,

    回覆刪除